EDITORYAL NGAYON

~..viej..~ · **on:** March 22, 2013, 07:46:25 AM

Nasa daang matuwid ba ang DPWH?

NAPAPANSIN n’yo ba na maraming binubungkal na kalsada ngayon ang Department of Public Works and Highways (DPWH)? At napapansin n’yo rin ba na hindi naman sira-sira ang kalsadang kanilang binubungkal? Ilan sa mga binubungkal na kalsada ay sa Roxas Blvd., A. Bonifacio Ave., Quezon Avenue, Quezon Blvd. at marami pang lugar sa Metro Manila. Ang pagbungkal sa mga pangunahing kalsada ay nakasasagabal sa daloy ng trapiko. Humihiyaw ang mga motorista sa inis o galit sapagkat ayaw umusad ang mga sasakyan lalo na sa umaga na rush hour.

Siguro, ginagawa ito ng DPWH para hindi na abutin ng tag-ulan. Mas maganda nga namang maghukay at magbungkal kung tag-init. Kung gagawin nila ito sa tag-ulan baka mas matitinding batikos ang kanilang malasap sa mamamayan. Baka sabihin na bakit hindi ginawa noong tag-araw na bakasyon ang mga estudyante. Tama rin naman sila na isagawa ang pagbubungkal ngayon.

Ang hindi tama ay ang bungkalin ang mga kalsadang maaayos pa. Bakit kailangang tibagin ang mga kalsada na matitibay pa? At kung titibagin, sana nakipag-coordinate sila sa Maynilad at Manila Water para isang beses na lang huhukayin ang kalsada. Ang nangyayari, pagkatapos nilang gawin ang kalsada, saka naman maghuhukay ang dalawang water companies at sisirain ang kanilang sinemento para maglagay ng mga tubo ng tubig. Nangyayari, wala nang katapusan ang paghuhukay at ang apektado ay mamamayan, serbisyo at negosyo.

At habang nagsasagawa ng mga paghuhukay ang DPWH, umalingasaw naman ang umano’y overpricing ng infrastructure projects na isinagawa noong 2011. Ayon sa Commission on Audit (COA) nag-overpriced ng P154.99 million ang mga proyekto ng DPWH. Ibig ng COA na ibalik ng mga contractor ang overprice.

Nararapat maimbestigahan ang anomalyang ito. Tiyak na may kakutsaba ang mga contractor sa mga tiwaling taga-DPWH kaya nag-overpriced. Ang pangyayaring ito ay taliwas sa lagi nang ipinagmamalaki ng Aquino administration na “daang matuwid”. Hindi kailanman matatahak ang “tuwid na daan” kung may mga gumagawa ng kabuktutan sa mga tanggapan ng pamahalaan, particular sa DPWH.

http://www.philstar.com/psn-opinyon/2013/03/22/922613/editoryal-nasa-daang-matuwid-ba-ang-dpwh

My Board · « **on:** March 22, 2013, 07:46:25 AM »

lot · **Reply #1 on:** March 22, 2013, 01:03:56 PM

Ang pagkakaalam ng karamihan, ang DPWH ang isa sa pinaka corrupt na dept ng pamahalaan..

thoughtseizehymntotourach · **Reply #2 on:** March 22, 2013, 02:00:09 PM

grabe yan pag tagulan dun ang bubungkal

My Board · « **Reply #2 on:** March 22, 2013, 02:00:09 PM »

CodenameYero · **Reply #3 on:** March 22, 2013, 03:58:07 PM

Minsan daw kasi kasama sa kontrata yung maintenance or something.

Halimbawa, after 10 years kelangan ulit bungkalin or espaltuhan.

Pero yung sa mga bagong gawang kalsada, tas bubungkalin kagad.

Aba ibang usapan na yan!

xxxchoholic Rai ♥ · **Reply #4 on:** March 22, 2013, 05:49:35 PM

talagang ganyan sila lalo na mga opisyal nila

kasi tito ko nasa dpwh dami nga nila project kung di kulang sa budget eh substandard un ginagamit nila daw

meron pa yun nakita ko noon sa abra isang tulay putol sa gitna pero more than 8 years na kinokontrata yun grabe

My Board · « **Reply #4 on:** March 22, 2013, 05:49:35 PM »

caligula · **Reply #5 on:** March 22, 2013, 06:08:13 PM

DPWH - Done Partial Work Hastily - that explains everything.

xxxchoholic Rai ♥ · **Reply #6 on:** March 22, 2013, 10:11:02 PM

kung bakit ba naman nagkalat ang corrupt sa gobyerno

kya di tayo umaasenso eh kahit anung sipag ng iba kung mas madami ang kinukurakot

wala talaga

caligula · **Reply #7 on:** March 22, 2013, 10:55:32 PM

It's because we have no integrity as a people and no will power to condemn these assholes, that's why. We elect and give positions to people who are popular, actors, boldstars, kamag-anak ni hudas etcetera and stupidly expect them to be straight, honest and proficient on their jobs. We are a bunch of ignorant fools who are drowning in our own vomit.

xxxchoholic Rai ♥ · **Reply #8 on:** March 22, 2013, 11:14:51 PM

sabagay kahit bumoto ka ng matino

kung ang karamihan eh boboto sa trapo wala rin talaga magbabago

deabw2 · **Reply #9 on:** March 24, 2013, 10:10:12 AM

Bad trip yan, may favorite part na inaayos then wawasakin ulit....
Pero napakarami namang lugar na wasak na ang kalsada, hindi man lang yun ang ayusin nila.

Sayang ang almost 20% na tax na kaltas sa mga sweldo natin

xxxchoholic Rai ♥ · **Reply #10 on:** March 24, 2013, 09:49:06 PM

Quote from: deabw2 on March 24, 2013, 10:10:12 AM

Bad trip yan, may favorite part na inaayos then wawasakin ulit....
Pero napakarami namang lugar na wasak na ang kalsada, hindi man lang yun ang ayusin nila.

Sayang ang almost 20% na tax na kaltas sa mga sweldo natin

tama ka jan kaya nga tinawag na Hokkaido ang baguio

Hukay dito hukay doon grabe sayang ang tax natin

bong1830 · **Reply #11 on:** March 24, 2013, 10:42:12 PM

hindi na mawawala corruption sa atin

~..viej..~ · **Reply #12 on:** March 25, 2013, 01:56:43 PM

RH Law: Batas na binutas

APAT na buwan na sinuspinde ng Supreme Court ang Reproductive Health Law. Maraming nagtaka sa biglaang suspensiyon. Pagkaraang pagdebatehan nang pagkatagal-tagal ang batas, sususpendehin lang pala. Hindi maiwasang isipin na may kaugnayan ang suspensiyon sa nalalapit na eleksiyon. Mula nang batikusin ng Simbahan ang mga kandidatong tinagurian nilang “Team Patay” naging mainit na ang isyu sa RH Law. Ipinaskel ang mga pangalan ng “Team Patay” sa mga harap ng simbahan. Pawang mga kandidato ng administrasyon ang kabilang sa “Team Patay”. Ayon sa report, malaki ang epekto sa mga kandidato ng batikos na ginawa ng Simbahan.

Dahil sa suspensiyon ng RH Law, mahihinto ang pagbibigay ng atensiyon sa kalagayan ng mga kababaihan particular ang mga buntis. Hindi sila masusubaybayan at maaring maglagay sa panganib sa oras ng panganganak. Kapag ipasya ng Supreme Court na tuluyang itigil ang batas, tiyak na hindi na makokonrol ang pagdami ng Pinoys. Sa kasalukuyan nasa 94 million na ang Pinoys at patuloy pang dumarami. Ang patuloy na pagdami ay nangangahulugan nang maraming problema: Maraming magugutom, walang matitirahan, walang trabaho, corruption at pagtaas ng krimen.

Hindi napanatili ng Pilipinas ang pagmi-maintain sa tamang dami ng populasyon. Noong dekada 60, halos nagkakapareho ang populasyon ng Pilipinas at Thailand. Pero nang sumapit ang dekada 80, nagsimula nang dumami ang mga Pinoy samantalang ang Thailand ay napanatili ang tamang populasyon. Mahusay sila sa population management.

Nawala ang Pilipinas sa tinatahak na landas sa katamtamang dami. Nawala ang pondo para sa health centers na nagbibigay ng payo sa mga bagong kasal. Nawala ang mga pagtuturo kung paano ang tamang pagpaplano at dami ng mga anak.

Magpasya sana ang Korte Suprema pabor sa RH Law. Mahalaga ito para sa mga kababaihan at sa mahusay na pamamahala sa population.
Susulong ang bansa kapag nasa tamang dami ng tao. Hindi sana mabutas ang batas.

http://www.philstar.com/psn-opinyon/2013/03/25/923643/editoryal-rh-law-batas-na-binutas

camelleo · **Reply #13 on:** March 27, 2013, 02:12:19 AM

Pabor ako sa RH law.

Responsible parenthood at family planning ang dapat na isiksik sa bawat Pilipino.Madaling gumawa ng anak pero mahirap bumuhay ng anak.Kapag di na kayang buhayin ang mga anak, gobyerno na agad ang sisisihin. Kapag naghirap, gobyerno pa din ang may kasalanan. Kapag nagkasakit, sa gobyerno pa din aasa.

xxxchoholic Rai ♥ · **Reply #14 on:** March 28, 2013, 09:55:43 PM

pabor din ako dito panahon na rin para masulusyonan ang di mapigilang pagdami ng populasyon

di kailangan maki alam ng simbahan sa problemang ito dahil buong bansa ang apektado dito

para ito sa ikakaunlad ng bansa

My Board · « **Reply #14 on:** March 28, 2013, 09:55:43 PM »