Lalaking naghahanap ng bulalo soup sa panaderya, nagwala nang bigyan ng cup noodles na bulalo flavorNauwi sa kaguluhan ang pagnanasa ng isang lalaking kostumer na makahigop ng mainit na sabaw ng bulalo at masupsop ang buto nito. Ngunit dahil sa panaderya niya inorder ang bulalo, cup noodles na bulalo flavor ang nakuha niya.
Sa ulat ni Katrina Son sa GMA News TV's QRT nitong Biyernes, ipinakita ang video na nakikipagsuntukan ang lalaking kostumer sa tauhan naman ng panaderya sa Pedro Gil sa Maynila.
Tila ayaw magpaawat ng lalaki sa pagwawala kahit pa inaawat na siya ng ilang kalalakihan hanggang sa dumating na ang mga kagawad ng barangay.
Kwento ng babaeng tindera, sinabi niya sa lalaking kostumer na tinapay ang kanilang itinitinda nila sa panaderya.
Dagdag pa ng tindera, ang lalaki rin umano ang umorder ng bulalo flavored noodles pero nang maibigay na ito ay tunay na bulalo soup na may buto na raw ang hinahanap nito.
Nang paliwanagan ang lalaki tungkol sa kaniyang inorder, iginiit nito na, "Ang gusto ko lang malaman ang order ko ay bulalo, bakit ako bibinigyan ng cup noodles? Bakit ko babayaran yung cup noodles."
Paliwanag pa niya sa kaniyang kausap, "Pare ang bulalo mga buto-buto, may laman, sinusupsop ang bulalo pare, ang cup noodles... noodles, noodles, pare."
Isinama muna ng barangay ang lalaki sa barangay hall para pagpahingahin at saka umano aalamin kung mayroon nais magsampa ng reklamo laban dito. -- FRJ, GMA News
http://www.youtube.com/watch?v=2L8gzAasxCw#source: gmanews.com
>>Dear teachers
Di porket pare pareho kami ng sagot, nagkopyahan na kami. May sagot ba na iba iba? Ano yun, originality?
----- Shin Chan
